| جاسم's profile... TaKe A BrEaK...PhotosBlogLists |  Tools  Help |
|
... TaKe A BrEaK...
September 06 زماااااان عنك يا سبيسيلحظه صمت
>>واقفه على الاطلال خخخخ
والله زمان عنك ياسبيسي
الدنيا تغيرت
والعيال كبرت
والمنتديات تبدلت والناس هجرو سبيساتهم
والاسعار ارتفعت
والاسهم دجًت
وعتاب ماتت
ورجاء بالمليح لحقتها
وكوثر انخطبت
ونوره سوت لها منتدى
وبيت عمي غيرو مطبخهم
وجاسم بيروح ثاني
وكل شي تغير
والدنيا ماعادت مثل اول
اهئ اهئ اهئ
^
^
^
^
شعندها الخنساء:/
بس وإلهي لك وحشه يا سبيسي
اليوم اشتهيت احط بلوق
بس مهب معناه اني برجع
يمكن يمكن تشوفني السنه الجايه
باياات
 January 23 حركتاتسلخييير منك له
!! أخباركم
جعل كل أبوهم بخير؟؟
وجع يوجع الدفاشة طيّرت ظفري تطيّر ..طلعت الجلده اللي تحت
 تستاهل اللي تقص اظافرها في ظلمة >>^
^
^
هذا المقدمة
ندخل للموضوع ع طووول
من كام يوم اخذت من ماسنجر وحده صاحبتي وفي رواية اخرى بنت خالتي
ايميل يقولون انه كمبيوتر موسوعه تضيفه عندك في الماسنجر و تسأله أي سؤال
ويجاوبك على طول بس لازم تكون ثقافتك انقلش
 اسباني .. جمايكي ماينفع هذا هو الايميل
وعلى ذمة الراوي يعني يطلع واحد يلعب انا هب مسؤله
احسن مافيه انه يعرف يسولف
يعني اذا قعدتي فايخه ومافي احد شابك عندج في الماسن
قزري عليه ترى يفهم طلاطيش عربي
ياعيال.. وياكبار ياللي عندكم امتحانات
سألوه اي سؤال مستعصي في المنهج ويحله لكم بسرعه البرق
اعراب او معادلات تراه داهيه في ذا
...
سي يو سوووون
October 10 رمضان كريم المهلي مايولي
كيفكم أن شالله بخيييير
كل رمضان وأنتو صيام
مو ملاحظين أن السنه مصخوها مع هالمسلسلات
 والله صايره أزيد من الهم ع القلبمسلسل ورا مسلسل
وبرنامج ورا برنامج
شنو هذاااااا
شوي شوي علينا
لا وكل هذا كوووم والممثلات السنة كوم ثاني
تغيرو وااااااااااااااااااااايد
احسهم كبروا حييييل حييييل
الا زهرة عرفات ياربيييي
ضعفانه بالحيل حتى عروق أيدها طلعت
أتوقع نزلت مايعادل 100 كيلوو .. يمكن أكثر
ولا شيماء الكويتيه
روان العالي مدري شسمها
أول ماشفتها شفت براطم
واااااااااااااال شكبرهم
براطم مهوب صاحيه أبد
ما أصدق أهي تبيهم جذي
أصلاً مو مرتبين موووووليه
الظاهر عمليتها فشلت خخخ
نحفت خشمها وسوت لها غمازات خربانين وحده فوق ووحدة تحت
بس كله يهون جنب هالقنابل
الله يقرفها صايرة تلوع الجبد
 أي أي الا صدق شفيه خالد النفسي
رقبته مخيطة ومتنفخ مررره ولسانة صاير ثقيل
تتوقعون صار له حادث
حرام مايستاهل طيوب وتمثليه حلووو أوي
 في مسلسل عديل الروح شفتو الممثلة الجديده
رانيا مدري رنا بنتهم الدلوعة
هذي الظاهر بتصير خليفة حليمة بولند في الدلع
الله يساعدنا عليهم
كل يوم بتطلع لنا وحده دلوعة وبتقول حياتي مترفه
وأنا دلوعة الماما والبابا
واااي ابي أمي ابي أبوي ابي زوووجي
لا يكثر بسسس
 نجي لـ وداد الكواري
الصراحة أبدعت أبدعت كالعادة
عندما تغني الزهور
أتوقع انه افضل مسلسل السنة لأنه الوحيد اللي أتابعه :)
وبعده ريا وسكينة
تعجبني البت عبلة كامل احسها عفويه مثل حياة الفهد
والحور العين أشوفه بس للحين مادخلت وياه جو
وساعات أطقطق وأشوف ريموت كنترول
هاهااااي رهيب هالولد عبدالناصر درويش
تفوق على داوود حسين وبقوة
 تقليد متقن وأفكار ولا أروع!!!!!!!!!!!!!!!!!!!!!!!
بسسسس هذا اللي أنا اشوفه
ياترى أنتو شنو تشوفون ؟؟
بأنتظاركم
  هذا الموضوع برعاية بيبسي
خليك قد النجومية .. خليك قد بيبسي September 19 ((12)) سنه وراسلااااام
اليوم بالصدفة دخلت سبيس وحده شكلها في الأبتدائي
تتكلم عن قصصها بالمدرسة
ومر عليّ شريط ذكرياتي القشرا .. في هالمرحلة
صحيح اكره مرحلة مريت فيها اسمها بس يلوّع الجبد
هذا الله مير يسلمكم اتذكر مره يوم كنت في ثاني ابتدائي
 طلعوني في الطابور مع شلة بنات .. ليه والله ماسويت شي!!!!
ماشفت الا المديرة جات وعطت كل وحده منا هدية
يقولون كنا كسالى وتشطرنا
والله ماتسوى هالهدية فشلتونا يم الابلات والبنات
أجل احنا كسالى مالت عليكم
انا بصراحة ماستانست انحرجت أوي أوي
 والالعن من ذا يوم دخلنا الفصل جات أبلتنا الحنينه تقول مايصير بنات ياخذون
هدايا وبنات ماياخذون لازم نوزع الهدايا على البنات كلهم
مسكينة الحنيه ذابحتها وش تسوي وش تسوي
!! لقتها وهي طايرة
الهدايا حقتنا كانت عبارة عن مقلمة ومحايه وبرايه ومسطرة
والكماليات اللي تجي معاها
هالدوبه وش سوت خذت هديتي وهدايا البنات اللي تشطرو على قولتهم
ووزعتهم على باقي بنات الفصل كذا عيني عينك
 وأنا وما صفيت الا على المقلمة بسسساييييه تفشلنا عشان هدية وياليتها وصلتنا سليمه جمركوها وطارت علينا في الهوا .. قصدي شناط البنات
...
سمعو ذي السالفة أنواع البخل
تعرفون الحركة اذا جات مراقبة بتحظر درس في حصة معينه
الابلة تعطينا الدرس مرتين عشان نطلع شطار ودوافير ونبيّض وجهها
المهم ذاك اليوم دخلت علينا ابله نورة على غير العادة
في يدها علبة حلاوه مصاص أم عود
 أممممم شكله لذيذ وش صاير في الدنيا أول وآخر مره تسويها
والله شوي الا تدخل علينا المراقبة ويبتدي الدرس
الدرس اليوم غير غير كل بنت تجاوب صح تعطيها حلاوة
ملعونه عرفت شلون تخلينا نشارك هههههههه
الجو حماس وهي بشوووشه وتضحك واللي ماتعرف تجاوب تساعدها غصب
تعرف الجواب وتحصل حلاوة
عدت الحصة على خير المراقبه خذت دفتر كم بنت وطلعت
اهي طلعت من هنا والمجرمة كشرت عن انيابها من هنا
 وطلعت ضروسها الصفره ورحاتها المسوسه قالت بكل خبث: ايدكم ع الحلاوة
دارت علينا وحده وحده وخذت الحلويات منا
!!
 بل كل ذا بخل مالت عليج وعلى حلاوتج فوقج هههههه
....
يوم كانت عندنا حصة فراغ على مااعتقد كنا في خامس
 وخلوني عريفة << يعني شاطرة خخخخاقترحت على البنات نلعب لعبه
اذا تذكرونها لعبه ماصلة قديمة نجيب ورقه ونصفطها ونكتب فيها اسم بنت
ولد, عمل , سيارة وش تحب وش تكره والله نسيتها
المهم
 ام الاقتراحات اللي هي أنا خطرت في بالي فكرة جهنميهالا وهي ليش مانكتب اسامي حقيقية نعايشها في حياتنا اليومية مثلاً ابلاتنا
والفضيحة كتبنا اساميهم بالعوايل مانضيّع أبد
خلصت اللعبة وطلعت جمل تموّت ضحك وحنا في غمرة الضحك
 ماانتبهنا حق بنت الفرّاشة في آخر الفصل تطالعنا بنظرات مريبهعلى فكرة بنت الفرّاشة كانت طالبة معانا في الفصل
رن الجرس وطلعنا نتفسح وخليت الاوراق في درج الطاولة
الحصة الربعة بالضبط تجي بنت وتقول
فلانه وفلانه وعلانه المراقبة تبيكم
اللي اهم احنا المجموعه اللي قاعده تلعب
رحنا نتراجف حاسين بالاجرام وتعرفون الابتدائي خوافين نخاف حتى من ظلنا
طلعت الدوبه نامّة علينا عند المراقبة لاا وموريتها اوراق اللعبة بعد
وافضيحتاه
كل البنات اجتمعوا على اني صاحبة الفكرة .. أهب عليهم ربع مايعتمد عليكم
طبعاً لقيت كم تهزيئة جامده وتهديد قوي اني مااعيدها
بس الحمدلله مافي طق وتكفيخ
 اليوم الثاني ماكلموني البنات
 صج شين وقوي عين يتخلون عني ومايكلموني بعدماجنهم لعبوا وضحكوا
بس الشرهة مب عليكم الشرهة علي انا اللي رازتكم وملعبتكم
 ...
كانت هذه مذكراتي السوده
ألتقي معاكم في مذكرات بيضا بأذن الله
September 15 باقي السواليف باااااك
(4)
هذا موقف مكس يضحك ويفشل في نفس الوقت
من أسبوع تقريباً رحت سيتي بلازا عشان اشتري
حق جسوم بدله للروضه
وبما اني ما رحت الا متأخرة مالقيت بدله على مقاسة
أييييه عيال الحرام ماخلوا حق عيال الحلال شي
طلعت من عندهم خالية اليدين.. عند الباب كان واقف الحارس
وبالضبط يوم وصلنا عند الباب أمام الحارس مباشرة قال جسوم لأبوه
((يبه احنا جايين نبوق!! ؟؟ ))
شف الجهالة وماتسوي
!! لعنبو دارك شايفنا ماخذين شي
احنا أنواع الفشيلة واذا تذكرون موروكو شلون تطلع خطوط على وجهها
:) اذا تفشلت .. انا صرت مثلها
قسماً أحس الحارس وده يفتشنا بس من هول الصدمة ماتحرك
بس ظل يخازرنا لين ماركبنا السيارة
المشكلة السالفة جايه عدله طالعين وما بيدنا شي يعني نصلح
نكون موضع شبهة
 ركبنا السيارة وعطيناه كف حلاقه وقلنا له: ولا عاد تعيدها(5)
الوقت 9:00 بالليل
المكان : بيت عموو
جسوم يركض في ردهات الصالة زاعقاً حق عماته
عمه .. عمه صار الغدا
قالو له عماته: حنا بالليل وهذا وقت عشا مو غدا
قال لهم أنا أدري (( بس أنا قاعد أكلمكم بالأنجليزي
 )) يافطين(6)
صيف وحر وخياااس وزيادة الكهرب طافي
شجّعنا بعض وقلنا خل نطلع في السور نشم هوا ربي
وأهو البدر يضّوي علينا بلا ماحنا قاعدين عميان
 فجأة قال جسوم : لااااا مايحتاج تطلعون حتى السما طافي عليها الكهرب..*..*..
جسوم هذا نكته بالخلقه أفكر جدياً أألف فيه كتاب والله من كثر سواليفه أنساهم
:) اتمنى تكونو انبسطتوا ..cu September 13 سـ و ا لـ ف صباحكم أبيض
اليوم بطرح بين ايديكم قصص وسواليف حدثت على أرض الواقع
ولم تُذكر في كتاب ألف نكتة ونكتة للمنفلوطي
(1)
في اختبار القواعد جاء سؤال بريء كالتالي
ضع كلمة (اخلاص)في جملة مفيدة
ولدنا كتب جواب هم بريء
طيب شنو كتب
((الاخلاص رطب لذيذ))
 حساوي أصيل
(2)
مره من المراير رحنا بيت احد قرايبنا
كانو حاطين في صالة الاستقبال صورة لأبوهم كبيرة وزقرتيه
بنت اخوي من أول مادخلنا مانزلت عيونها من على الصورة
تفكر .. وبعمق
وبعد تفكير وتمحيص دقيقين في الصورة سألت سؤالها الجوهري
((يمه هذا هو ملك السنة ؟؟))
 لا ياشيخه هذا ملك العام (3)
طيب هالمره الضيوف كانو جايين بيتنا
وبنت اخوي المذكورة اعلاه تسنعت وتعدلت عشان تستقبل صديقاتها
وياحوبها للكشخه
المهم وجاو الضيوف والله وناسه وسكبه حب وشاي وتفلفص وسوالف
كل هذا جهة الحريم
ومن جهة البزارين دار بينهم هالحديث
وحده من البنات سألت بنت أخوي عن الحمّام (وانتو بكرامه) ومن زود الكشخه
 اشّرت بنت اخوي على جهة وقالت لها (( هُونيك )) .. امحق كشخه قلبت شاميّه(4)
.... يتبع
|
||||||||
|
|
